जिल्लाको वन जंगल क्षेत्रको संरक्षण, सम्बर्द्धन तथा विकासको लागि सरकारबाट वि.सं. २०१२ सालमा दाङ्ग वन डिभिजन“को नामले कार्यालय स्थापना भएको हो । अत्यधिक वन सम्पदाको विकासको जिम्मेवारी बोकेको जिल्ला वन कार्यालय जिल्लामा स्थापना भएका सरकारी निकायहरु मध्येको एक पुरानो सरकारी निकाय हो । वन व्यवस्थापनको दृष्टिकोणले यस जिल्लामा दाङ्ग र देउखुरी गरी २ वटा डिभिजन वन कार्यालय स्थापना भएको छन्।जिल्लाको दक्षिणी भागमा रहेको देउखुरी उपत्यकामा रहेको लमही न.पा. तथा राप्ती, गढवा र राजपुर गा.पा. गरी चार वटा स्थानीय तहमा रहेको वन क्षेत्रको व्यबस्थापन गर्न डिभिजन वन कार्यालय देउखुरी, दाङ्ग स्थापना गरिएको छ। मिति २०७५/०७/०७ मा डिभिजन वन कार्यालय देउखुरी, दाङ्ग लमहीमा स्थापना भएको र यस अन्तरगत आठ वटा सव डिभिजन वन कार्यालयहरु समेत स्थापित भएका छन ।